لو كنت من المهتمين أو من اللي مستنيين الإصدار الجديد من ساعة آبل Apple Watch فاحنا بنقولك إنك ممكن تتفاجئ بالأخبار اللي إنتشرت حالياً بأن الإصدار الجديد من الساعة مش هيختلف عن الإصدار اللي الأول. وقالت الأخبار إن شركة آبل ممكن تكون خدت نفس الطريقة اللي بتستخدمها مع إصدارتها من أجهزة آيفون يعني ممكن نشوف ساعة بإسم ( آبل وتتش إس ) (Apple Watch S). وقال Ming-Chi Kuo في إجتماع المستثمرين اللي إتعمل إمبارح إنه بيتوقع يشوف تحسينات جديدة على ساعة آبل مع تغييرات بسيطة في الشكل والتصميم. و Ming-Chi Kuo قال كمان إن آبل هتنزل ساعتها الجديدة مع جهاز أو جهازين آيفون في شهر سبتمبر اللي جاي وتوقع هبوط في مبيعات ساعة آبل بنسبة 25% عن السنة اللي فاتت.
