الظاهر إن برنامج التراسل الجديد اللي أعلنت عنه جوجل من كام يوم (Allo) هيثير الكتير من الجدل خلال الفترة اللى جاية خصوصاً بعد ما أعلن إدوارد سنودن المتعاقد السابق مع وكالة الأمن القومي الأمريكية NSA إن البرنامج الجديد مش آمن .
إدوارد سنودن حذر في تغريدة نشرها علي حسابه الشخصي علي تويتر المستخدمين من إستخدام البرنامج الجديد وبرر كلامه ده بسبب إن جوجل قامت بتعطيل التشفير من نوع طرف إلى طرف End-to-end بشكل إفتراضي في البرنامج الجديد .
وبالنسبة لجوجل فقالت إن هناك وضعية للتراسل الخفي بيتم فيها إستخدام تشفير من نوع طرف إلي طرف وده بإستخدام نفس بروتوكول التشفير الموجود في برنامج الدردشة الآمن Signal واللي سبق و أوصى به سنودن باعتباره من أكتر برامج الدردشة أمناً لكن البرنامج الجديد Allo مش متفعل فيه خدمة الدردشة الآمنة .
