شركة فيسبوك المالكة لبرنامج واتس آب whatsapp الشهير صاحب المليار مستخدم قالت إنها بدأت تشفر المحادثات الخاصة بمستخدمي البرنامج بحماية End-To-end اللي كانت موجودة قبل كده في خدمة iMessages الخاصة بأجهزة آبل. الخطوة دي خدتها شركة فيسبوك بعد المشاكل اللي حصلت بين شركة آبل ومكتب التحقيق الفيدرالي فيما يتعلق بخدمات التشفير وحماية المستخدمين حيث أعلنت شركة فيسبوك عن تشفير كل المحادثات الصوتية والكتابية والصور والفيديوهات اللي بتتبعت عن طريق برنامج واتس آب عن طريق حماية End-To-end . والكلام ده معناه إنه مفيش حد هيقدر يوصل لأي معلومات تخص مستخدمي برنامج واتس آب حتى شركة فيسبوك نفسها. وعملية التشفير دي هتكون متاحة لكل المستخدمين مع إستخدام أحدث نسخة من برنامج واتس آب.
