تعرف إيه عن خدمة Account Kit اللي أعلنت عنها شركة فيسبوك facebook خلال مؤتمرها للمطورين F8 ؟؟؟!!! لو كنت أول مرة تسمع عن الخدمة دي فإحنا بنقولك إن الخدمة دي عملتها شركة فيسبوك عشان تسمح للمطورين بإتاحة الإمكانية للمستخدمين بالتسجيل في برامجهم وخدماتهم من غير ما يحتاجوا للتسجيل عن طريق إستخدام الباسورد password. ويقدر المستخدمين دلوقتي الدخول لبرامجهم وخدماتهم مباشرةً من غير إستخدام أي باسورد عن طريق إستخدام أرقام موبايلاتهم وهتوصلهم رسالة قصيرة علي الموبايل تؤكد عملية الدخول وده بيسهل عملية إستخدامهم للبرامج والخدمات والرجوع ليها مرة تانية في أي وقت وكمان مش هيكون مفروض على المطور تخزين كلمات المرور في قاعدة بيانات برنامجه وده بيخليه أكتر أمناً وبيساعد في زيادة نسبة المستخدمين وبيعود بالنفع علي المطور.
