حالياً تتصدر شركة أوبو Oppo الصينية المبيعات في الصين وده بفضل المبيعات الكبيرة اللي حققتها الشركة مع موبايلها الرائد F1 Plus . وتم عمل الإحصائية دي من قبل شركة MR الصينية المتخصصة في نوعية الإحصائيات دي وقالت الشركة إنها بتشعر بالفخر لحصولها على المركز الأول في المبيعات في السوق الصيني بفضل الإهتمام الزايد بموبايلها الرائد F1 Plus . وقالت الإحصائيات إن شركة أوبو باعت حوالي 180 ألف جهاز من موبايلها الرائد في نفس يوم نزوله الأسواق (24 مارس) وبعد أربع أيام بالظبط زاد الرقم لحوالي 400 ألف جهاز. ومن أهم مميزات موبايل F1 Plus الرائد إنه بيتمتع ببروسيسور من نوع Mediatek Helio P10، الرامات بتاعته بحجم 4 جيجا بايت، الذاكرة الداخلية بحجم 64 جيجا بايت وممكن تزيد لحد 128 جيجا بايت عن طريق ميكرو إس دي microSD. وسعر الموبايل حالياُ 430 دولار أمريكي .
