طبعا فى مننا إلى بيعوز ويقرر إنه يشتري موبايل يقوم نازل على أي محل ويشتريه على طول وبسرعة كبيرة جدا ! فى حين إنه ممكن يستفاد أكتر لو صبر شوية. بعض النصائح عشان تشتري الموبايل بشكل صحيح ومنطقي ! أول شيء إنت هتقرر نوع الموبايل إلى هتجيه ثاني حاجة هتبدأ تشوف الأسعار فى كل مكان لكن متكتفيش بكدا لازم تشوف أسعار الموبايل على الإنترنت كمان من خلال مواقع البيع والشراء. بعد كدا هتنقي أضمن مكان وأفضل سعر بمعنى إن لو فى مكان أقل 50 ج مثلا لكن مش معروف روح للمعروف إلى أغلى 50 ج لإنه مضمون. كدا إنت حددت المكان والسعر والموبايل نفسه طيب إنت نسيت حاجة ! نسيت إن فى ناس إشترت الموبايل أكيد وأكيد ليها رأي فيه وبعيدا عن كل دا موجود المراجعات على اليوتيوب لكل الموبايلات ومذكور فيها العيوب والمميزات ودي خطوة مُهمة جدا قبل التحرك فى الشراء. ومن الخطوات المُهمة برضو إنك تقارن بين الموبايل دا وبين نوع تاني منه بنفس إمكانياته وقد يكون بنفس سعره تقريبا، ففي المقارنة هتعرف تحدد أنى الأفضل لك فيهم والأحسن . بعد كل الخطوات دي بعد معرفت موبايلك إيه نوعه وسعره وأفضل مكان للبيع ومميزاته وعيوبه ودخلته فى مقارنات مع أنواع شبيهة هتقدر إنك تقرر صح هتشتري الموبايل دا أو لا.
