لو كنت مستخدم لجهاز آيفون او آيباد من إنتاج شركة آبل الأمريكية وكانت المساحة الداخلية بتاعت الجهاز صغيرة وبتسببلك إزعاج، هنقولك دلوقتي على خدعة ممكن تسخدمها لزيادة مساحة التخزين في الجهاز بتاعك. فعلى الرغم من وجود كذا طريقة لزيادة المساحة الداخلية في الجهاز إلا أن مستخدمين أجهزة آيفون إكتشفوا خدعة بتدي تعطي مساحة إضافية لك من غير ما تتوقع. والخدعة دي هي إن عليك الذهاب لستور iTunes وبعد كده إختار أي فيلم كبير الحجم لتأجيره وبعد كده هيقولك الجهاز إن مفيش عندك مساحة لتحميل الفيلم وهيحولك للصفحة الخاصة بإعدادات موبايلك وهيديك مساحة إضافية بطريقة تلقائية من غير ما تعمل أي حاجة إضافية. وبحسب المستخدمين فإن الطريقة دي بتمسح الملفات الغير مهمة الموجودة علي الموبايل عشان الموبايل بيدي الأهمية للفيلم اللي إنت عاوز تحمله وممكن تكرر الخطوة دي كذا مرة عشان تحصل علي مساحة إضافية.
