طبعا إحنا عارفين إن الصين أو الشركات الصينية بمعنى أصح بتحاول تكون رائدة فى كل المجالات ولعل أخر الشركات هى شركة LeSEE وإلى قدرت بكفاءتها إنها تنافس سيارات تسلا الرائدة فى سيارات ذاتيه القيادة. مميزات السيارة الجديدة من LeSEE هى سيارة كهربائية ذاتية القيادة تتميز بمميزات رائعة جدا تجعل منها سيارة خيالية، ومن مميزات السيارة إنك تقدر تتواصل معاها عن طريق موبايلك وتحدد المكان إلى إنت عاوز تروحه، دا غير إنها بتحتوي على نظام مقاعد مُتطور بحيث إنك تقدر تعدل نظام المقاعد حسب راحتك. ويوجد فى السيارة لوحة تقدر تتحكم فى السيارة من خلالها بشكل بسيط وسهل، ومن المميزات الطريفة جدا أن المقاعد الأمامية بها شاشات عرض تُمكن المقاعد الخلفية من مشاهده الأفلام والفديوهات من خلالها. فهي حقا سيارة خيالية ورائعة بكل المقاييس.
