براءة إختراع جديدة إتقدمت لها شركة فيسبوك facebook خلال الشهر الحالي أظهرت إنها بتحاول تخلي المستخدمين يستخدموا تعبيرات وشوشهم كبديل عن الرموز التعبيرية .
وعن طريق إستخدام تقنية التعرف على الوشوش هتدور فيسبوك على اللي هي عايزاه في الصور اللي تم الإشارة للمستخدم فيها عشان يلاقي أحسن وش يناسب الرمز التعبيري اللي عاوز يستخدمه .
مثلا لما بيتم إستخدام الرمز 🙂 بيظهر الرمز التعبيري اللي بيضحك لكن فيسبوك في التقنية الجديدة هتدور علي صورة للمستخدم يكون فيها بيضحك عشان يتم إستخدامها بدل من الرمز التعبيري لكن علي ما يبدو إن الميزة الجديدة دي هيتم إستخدامها في الشات بس .
