أول مرة نسمع فيها عن تابلت MediaPad T2 10.0 Pro من تصنيع شركة هواوي Huawei الصينية كان في شهر فبراير اللي فات ومن ساعتها والتسريبات الخاصة بإمكانيات الموبايل مش بتوقف. لكن التسريبات الجديدة بتقول إن الإعلان الرسمي للتابلت قرب جداً وبالنسبة لباقي التسريبات الخاصة بالمواصفات فهي كالتالي: شاشة الجهاز هتكون بحجم 10.1 بوصة بدقة 1,920× 1,200 بكسل، البروسيسور هيكون ثماني النواة من نوع Qualcomm’s Snapdragon 615، الرامات هتكون بحجم 2 أو 3 جيجا بايت، الذاكرة الداخلية هتكون بحجم 16 أو 32 جيجا بايت وقابلة للتوسعة، الكاميرا الخلفية هتكون بدقة 8 ميجا بكسل والأمامية بدقة 2 ميجا بكسل، سعة البطارية هتكون 6660 مللي أمبير لكل ساعة ونظام التشغيل الخاص به هو Android 5.1.1 Lollipop .
