قالت جريدة تليجراف telegraph البريطانية الشهيرة إن شركة آبل apple الأمريكية أقرت إن أجهزة الموبايل آيفون الشهير اللى بتنتجه محدودة العمر. وإعتمدت الجريدة في الخبر على الأسئلة اللي بيبعتها المستخدمين على الموقع الإلكتروني الخاص بشركة آبل حيث أن الشركة ردت على إستفسارات المستخدمين وأقرت إن أجهزة الآيفون محدودة العمر بحيث لا يتجاوز عمر الأجهزة 3 سنين. والخبر ده بيؤكد الشائعات اللي كانت بتقول إن شركة آبل هتقلل عمر أجهزتها عشان تحقق مزيد من الأرباح وبحسب كلام الجريدة إن أجهزة الآيفون وساعة آبل الجديدة مش هيزيد عمرها الإفتراضي عن 3 سنين أما بالنسبة لأجهزة الكمبيوتر ماك وتلفزيون آبل فهيكون عمرها الإفتراضي 4 سنين.
