مؤسسة ديكرا DEKRA المتخصصة في عمل أبحاث للحوادث عملت دراسة جديدة أثبتت فيها إن حوالي 17 % من الناس اللي بتمشي في الشوارع بيستخدموا الأجهزة الذكية أثناء عملية المشي بطرق مختلفة وده بيتسبب في إنشغالهم عن الشارع وعن متابعة اللي بيحصل حولهم وده بيخليهم معرضين أكتر للحوداث. وقالت الدراسة كمان إن معظم المشاة بيتكلموا في الموبايل أو بيكتبوا رسايل أثناء عملية المشي وجزء منهم بيعمل العمليتين مع بعض وجزء تاني بيفضل يسمع الموسيقي أثناء المشي. وقالت الدراسة إن النسبة الأكبر من الناس اللي بيستخدموا أجهزتهم الذكية أثناء المشي هم الشباب وده بيخليهم أكتر تعرض للحوادث وقالت الدراسة في وصف الشباب دول إنهم (الجيل اللي بيمشي وراسه لتحت) في إشارة منها لإستخدامهم أجهزة الموبايل أثناء السير.
