إتسربت صور لأول مرة للموبايل الذكي الجديد اللي هتنزله شركة سوني Sony اليابانية واللي من المفترض إنه يحمل إسم Xperia C6. والموبايل بيظهر في الصور المسربة بشاشة كبيرة وتقريباً هتكون بحجم 6 بوصة وكمان بيظهر بشكل نحيف جداً وبيظهر بمخرج فلاش أمامي كبير. ومفيش أي أخبار مؤكدة لحد دلوقت عن إمكانيات الموبايل لكن من المفترض إنه هيكون بيدعم شريحتين إتصال وهيكون مزود ببروسيسور من نوع MediaTek. وبالعودة لشهر فبراير اللي فات كانت كل الأخبار بتقول إن شركة سوني هتنزل موبايل إسمه Xperia C6 Ultra خلال معرض MWC لكن ده ماحصلش وأعلنت الشركة خلال المعرض عن موبايل جديد من سلسلة إكسبريا إكس Xperia X بدل منه.
