فى الفترة الأخيرة إنتشرت موضة جديدة لم أكن أسمع عنها من قبل، وهي موبايلات ماركات عالمية لكنها هاي كوبى وفيرست هاي كوبى !! فظهر فى الفترة الأخيرة على سبيل المثال على الإنترنت عروض لأيفون 6 هاي كوبى وبكام ب 1500 !!!! وكذلك النوت فور والنوت 5 وتقريبا بنفس السعر !! الحقيقة الموضوع مثير للإستغراب إن حد يصدقه، وحسب تجارب ناس كتير مع الموبايلات دي قالوا إنها لبيس إلا موبايلات مضروبة ! وإلى مثير للضحك إنك لو لقيت موبايلك إلى من دول بايظ أو في حاجة بايظة أو مش مطابق للمواصفات مش هتعرف ترجعه أو تستبدله أو تاخد فلوسك لإن ببساطة البائع مجهول من على الإنترنت . الخلاصة إن الموبايلات دي صينية رديئة جدا تشبه الأصلية فى الشكل لكن الإمكانيات الفعلية رديئة جدا فنجدهم فى العروض يقولون الكاميرا 13 و5 لكن ستكتشف أن جودتها الفعلية أقل من كدا بكتير وكذلك الرامات يعرضون عليك رامات 3 لكن الفعليه تكون 1 جيجابايت فلازم تاخد بالك إن كل الحاجات دى بتبقى مضروبة ومفيش أحسن من الأصلي !
