بعد تسريب مواصفات موبايل SM-C500 اللي إتعرف علي إنه أحدث موبايلات سلسلة جالاكسي سي من سامسونج Galaxy C ظهرت تسريبات جديدة لموبايل تاني من إنتاج شركة سامسونج الكورية الجنوبية في نفس السلسلة إسمه SM-C7000 . ونشر موقع Antutu الشهير تفاصيل ومواصفات الموبايل الجديد وقال إنه مزود ببروسيسور من نوع Qualcomm’s Snapdragon 625، الشاشة بتاعته هتكون عالية الدقة HD، الرامات هتكون بحجم 4 جيجا بايت والذاكرة الداخلية هتكون بحجم 32 جيجا بايت. وبالنسبة للجزء الخاص بالكاميرات فقال الموقع إن كاميرا موبايل SM-C7000 الخلفية هتكون بدقة 16 ميجابكسل والكاميرا الأمامية هتكون بدقة 8 ميجابكسل ونظام التشغيل الخاص به هيكون Android 6.0.1 . ومن المتوقع إن الإعلان عن سلسلة سي هيكون الشهر اللي جاي .
