بعد الإعلان من كام شهر عن أول موبايل مزود ببورسيسور من نوع Snapdragon 820، تستعد شركة LeEco للإعلان عن تاني إنتاج ليها من نفس الخط. ولحد دلوقت إختلافات كتيرة على إسم الموبايل الجديد فمن المتوقع إنه هيكون واحد من التلات أسماء دول Le 2 أو Le 2 Pro أو Le Max 2. وأياً كان إسم الموبايل الجديد فموقع GFXBench الشهير أعلن عن بعض مواصفات الموبايل الجديد وجاءت كالتالي : رامات الموبايل هتكون بحجم 6 جيجا بايت، شاشة الموبايل هتكون بحجم 5.5 بوصة وبدقة QHD، الكاميرا الخلفية هتكون بدقة 21 ميجا بكسل والكاميرا الأمامية هتكون بدقة 8 ميجا بكسل، الموبايل هيدعم تصوير الفيديو بتقنية 4K، الذاكرة الداخلية هتكون بحجم 64 جيجا بايت، البروسيسور هيكون من نوع Qualcomm’s Snapdragon 820 وهيشتغل بنظام التشغيل Android 6.0.1 Marshmallow .
