قالت أخر الأخبار إن شركة زد تي إي ZTE الشهيرة بتشتغل علي إنتاج موبايل جديد ضمن خط إنتاجها لسلسة Zmax الشهيرة .
ومن المتوقع إن إسم الموبايل الجديد هيكون Zmax Pro وهيكون مزود ببروسيسور من نوع Snapdragon 617 وشاشته هتكون بمقاس 6 بوصة وهتكون عالية الدقة .
ودلوقتي هنعرف مع بعض باقي إمكانيات الموبايل المتوقعة :
الرامات المتوقعة هتكون بحجم 2 جيجا بايت , الذاكرة الداخلية هتكون بحجم 32 جيجا بايت , وبالنسبة لدقة الكاميرات فدقة الكاميرا الخلفية هتكون 13 ميجا بكسل ودقة الكاميرا الأمامية هتكون 5 ميجا بكسل , الموبايل هيكون مزود بسنسور قارئ البصمات fingerprint sensor ومفيش أي معلومات لحد دلوقتي عن سعر الموبايل أو معاد نزوله .
