سمعنا من فترة إن موبايل Galaxy Note 6 من تصنيع شركة سامسونج هتكون راماته بحجم 6 جيجا بايت وهتكون شاشته بحجم 5.8 بوصة وهتكون دقة الكاميرا بتاعته 12 ميجا بكسل وهتكون حجم الذاكرة الداخلية إما 64 جيجا بايت أو 128 جيجا بايت. ودلوقتي بنعرف معلومة جديدة عن الموبايل الجديد وهو إنه هيكون له معامل مقاومة IP68 وده معناه إن الموبايل هيكون ضد المياه والتراب وإن الموبايل يقدر يقعد على عمق 1.5 متر تحت المياه لمدة نص ساعة متواصلة. ومن المفترض إن شركة سامسونج الكورية الجنوبية هتعلن عن الموبايل الجديد ده في شهر يونيه اللي جاي .
