علي الرغم من إن كل الإشاعات والتوقعات كانت بتقول إن الموبايل الرائد الجديد اللي هتعمله شركة ZTE الصينية هيكون إسمه ZTE Axon 2 قررت الشركة الصينية تسمية موبايلها الجديد بإسم ZTE Axon 7 .
الأخبار المرة دي طالعة من الدعوات اللى بعتتها الشركة لوسائل الإعلام عشان يحضروا الحدث الخاص بها يوم 26 اللي جاي .
وكانت هيئة الإتصالات الصينية TENAA صدقت في الفترة اللى فاتت علي الموبايل الجديد ودلوقتي تعالوا نعرف إيه هي إمكانيات الموبايل الجديد :
شاشة الموبايل هتكون بحجم 5.5 بوصة , البروسيسور هيكون من نوع Snapdragon 820 , الرامات هتكون بحجم 4 جيجا بايت أو 6 جيجا بايت , دقة الكاميرا الخلفية هتكون 20 ميجا بكسل والأمامية هتكون 8 ميجا بكسل وسعر الموبايل هيكون 599 دولار أمريكي .
